The Big Bang Theory ye una comedia de situación d'Estaos Xuníos estrenada'l 24 de setiembre de 2007 pola cadena CBS.
Ta producida pola Warner Bros y Chuck Lorre.[1][2] Esi mesmu añu la comedia ganó un Teen Choice Awards na categoría "Meyor serie de comedia" y Jim Parsons un premiu polos sos llogros individuales na serie.[3]
La primer temporada diba constar de 22 episodios, pero por cuenta de la fuelga de guionistes de Hollywood amenorgar a 17. La CBS empezó a emitir la segunda temporada n'Estaos Xuníos el 22 de setiembre de 2008, la tercera empezó'l 21 de setiembre de 2009 y la cuarta estrenó'l 23 de setiembre de 2010. La quinta, el 22 de setiembre de 2011; y la sesta, el 27 de setiembre de 2012.
En xineru de 2011, los productores de la comedia estauxunidense informaron de que se llegara a un alcuerdu sustanciosu cola cadena CBS pa emitir nuevos episodios hasta 2014, asegurándose tres temporaes más. La revista The Hollywood Reporter informó de que se llegara a un alcuerdu ente la productora, Warner Bros., y CBS al respeutive de la publicidá, quedando solo pendiente la contratación de los actores.[4]
En 2017, los sos creadores llanzaron Young Sheldon, una precuela spin-off sobre la infancia del personaxe Sheldon Cooper.[5]
© MMXXIII Rich X Search. We shall prevail. All rights reserved. Rich X Search